Saturday, December 1, 2007

وظائف خالية في لبنان

تعلن لبنان عن حاجتها لأي حد يصلح أو لا يصلح لمنصب رئيس جمهورية

وخوفاً من تكرار مسلسل "الهجرة غير الشرعية" أن يحدث في لبنان أيضاً، ولأننا متخصصون في غرق العبارات والمراكب والزوارق وكل ما يركب البحر، سيتم التنسيق بين السفارتين المصرية واللبنانية للتقدم للمنصب وقد أُعلن فتح باب التقدم بداية من اليوم الذي أصبحت فيه لبنان "سلطة" أو بالبناني "تبولة" اشترك في صنعها كل من محرضي الفتنة الطائفية بين الشيعة والسنة من جهة وبين المسلمين والمسيحين من جهة أخرى ، وغيرهم من الطامعين في الحكم و الأيدي الأمريكية العابثة من بعيد والأقدام الإسرائيلية القذرة التي تُغرس من قريب، ومكوناتها هو الشعب الذي ينتظر النتيجة جعلت منها طبقاً شهياً يطمع بالتهامه الكثير من أبناء الوطن نفسه.
وتعرف تلك البلاد أنها من ضمن بلاد الإنقلابات مما قد أطلق عليها على سبيل الوصف المبالغ ربما الذي يصف ما يحدق بأنه " اللي يصحى بدري يعمل إنقلاب ويمسك الحكم" ولكنها كانت في فترة سابقة ولكن الآن الجميع ينتظر المفاجأة!!!
وتعرف أيضاً ببلاد الإغتيالات الشهيرة من بعد إغتيال المخرج السوري "مصطفى العقاد" مخرج فيلم الرسالة في الأردن إثر عملية إرهابية وربما لم يكن هوالهدف منها ولكنها طالته وبالتأكيد هو قدره ولكنه حدث ، ومن بعدها إغتيال "رفيق الحريري" والذي لم أكن أعرفه ولا أسمع عنه من قبل ولولا الإعلام الذي لا يكرم أحداً إلا بعد وفاته وننتظر لتلك اللحظة حدث هذا أيضاً بعد إغتيال "فرنسوا الحاج" يوم الأربعاء السابق 12 ديسمبر:
والذي لم أكن أسمع عنه ولكنه بالطبع معروف في لبنان والذي إذا سألت عنه أحداً في الشارع المصري المعروف بإجاباته العجيبة:
ما رأيك في إغتيال الحاج؟
لقال في تلقائية شديدة : "حاج ! طبعاً مات شهيد"
ولعرفت أننا مازلنا برغم كل إنفتاحاتنا على إعلام جميع الدول مازلنا جاهلين ومنغلقين على أنفسنا أكثر من السابق لأننا ننهل ولا ندرك ما جلبناه
ومن العجيب أيضاً أن ترى المرشح الوحيد "ميشال سليمان" وهو المتنبأ به أن يتسلم الحكم حتى الآن وقيل أنه السبب في اغتيال "الحاج" ولكن من يدري؟؟
فهل من متقدم آخر للحكم؟ أم الجميع سيخاف أرى أن تسارعوا باللحاق بالمقعد الشاغر الأهم في لبنان
ومازال باب الترشيح مفتوحاً
وحصرياً : يمكنك أيضاً أن تحجز مقعدك في الحكم من على النت بعد أن تبعث بفيديو بدلاً من المقابلة الشخصية حتى توفر عليك خطر الهجرة "على الفاضي وترجع حتى من غير خفي حنين" !
وعليه فإن مواصفات من يتقدم يجب أن تتضمن الآتي :
1- إتقان اللهجة البنانية
2- إتقان طريقة عمل التبولة
3- إتقان جميع أغاني الست "هيفا" متمشيش "فيروز"
4- الحصول على الجنسية اللبنانية وهي أهم شرط
وللحصول عليها سيتم إجتياز إختبار بسيط كما حدث في إختبارات الحصول على الجنسية المصرية للقادمين من الخارج للتبادل بينهم
"امتحان السفارة المصرية للحصول عل الجنسية"
ملاحظة : صباح الفل حبايبي الأعزاء
يشترط لدخول الامتحان أن المتقدم يكون معاه كل أدواته اللازمة :
- قلم رصاص – أستيكة (تحسباً للأخطاء الكتيرة) - اثبات شخصيتك (تذكرة أتوبيس – مفتاح الشقة – كارت تليفون ميناتل – عملة مصرية - أي حاجة)
- في حالة لو احتجت لورقة إجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:
اختار من بين الأقواس الكلام الصح:
1- حنان ترك اتحجبت يعني ........... (لبست جزمة - لبست ساعة - لبست ايشارب)
2- اللي بنى هرم خوفو............ (طلعت مصطفى - المقاولون العرب - مقاول أنفار - خوفو)
3- اللي بنى مصر كان في الأصل...... ( حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج .. صباح الخير ............(يا ماما - يا بابا - يا خالو - يا ريس - يا مصر ) - بص في ورقتك يا حيواااان!
5 - مصر هى أمي نيلها جوة........... (عبي - بطني - رجلي - جيبي - دمي )
6- رئيس مصر القادم السيد...... (جمال مبارك - جمال مبارك – و حياة أمك جمال مبارك - كل ما سبق )
السؤال الثاني:
أكمل الجمل الآتية بكلام م الآخر:
1- انتبه من فضلك السيارة ترجع إلى............ ......... ...
2- ماما زمانها............ ......
قياساً على هذا الإمتحان اللذيذ سترى مثله في ورقتك إن شاء الله وربنا يوفق الجميع
* الامتحان منقول من أعوام سابقة
---------------------------------------------------------------------------------
قد يكون البوست له أكثر من بعد ولكني لست في حال يؤهلني للغوص في تفاصيل أكثر وأنتظر منكم الدعاء في الإمتحانات وربنا يوفق الجميع طبعاً مش إمتحان زي اللي فات ده

56 comments:

Unknown said...

بحجز بس اول كرسي هاقرا البوست و راجعه
ايه الغيبه دي كلها

ياسمين حميد said...

للمصريين فقط؟
ماذا عن اليمنيين أمثالي؟
:-D
أنا أستطيع عمل التبولة، وأحفظ جميع أغاني فيروز، أي أنني ببعض الجهد أستطيع إتقان اللهجة اللبنانية
وأنا متابعة دائمة لأخبار لبنان.
كما أنها فرصة، لأول مرة سيصبح للبنان رئيسة
!!!
الرجاء إرسال أوراق الامتحان، وسأترك جارتي اللبنانية تحله لي

ورجاء من كل اللبنانيين، انتخبوني
!!!!!!
;-D

Unknown said...

اية الامتحانات السهلة دي
تصدق
انا جاويت علي كل الاسئلة بسهولة يبقي كدا حصلت علي المواطنة
طب مفيش اسهل من كدا
ربنا معاك يااستاذ ويوفقك يارب
ونخلص من الايام دي ع خير بقي
سلام

مدحت محمد said...

ربنا معاك يااستاذ
وينجحك
اما بالنسبة للامتحان فهو فعلا
معبر اوى عن الواقع
والشروط سهلة

مروة الزارع said...

ههههههههههههه ههه هععععع هئئئئ وااااااااااء

كلامك معبر جدا مش عارفة اضحك ولا ابكى

انا راحة احل الامتحان اصلة صعب حبة

مدونة جميلة واسلوب اجمل

اتمنى تزورنى

الأستاذ said...

emy
براحتك خالص مكانك محفوظ بس متتأخريش كتير علشان تاريخ الصلاحية وكدة
------------------------
ياسمين حميد
لأ طبعاً للجميع وأحب أرحب بأن يزورني في مدونتي المتواضعة من اليمن ومن أي مكان
أشكرك على اهتمامك وأنا هكون أول المنتخبين ليكي أكيد
أتمنى دوام الزيارة
تحياتي

الأستاذ said...

my hope$
شوفتي بقى علشان متقوليش بجيب إمتحانات صعبة
ربنا يخليكي ويكرمك يارب ويكون معاكي إنتي كمان إن شاء الله
وربنا يعدي الأيام دي على خير
تحياتي ليكي
--------------------------
doha
أهلاً بيك وكويس إنه سهل بالنسبة لك علشان تقدر تقدم متتأخرش بقى
تحياتي

الأستاذ said...

مروة الزارع
أهلاً وسهلاً بزيارة حضرتك وأتمنى تتكرر
بس مش هقدر أقولك عيطي بس برضه معتقدش المفروض الواحد يضحك مش عارف
والله شوية كدة وشوية كدة أو إضحكي لحد م تدمعي ويبقى مسكنا المشكلة م النص
تحياتي

ثورة said...

أنا بعرف أعمل سلطة

ده اذا ما كانتش الحاجه الوحيدة اللى بعرف أعملها هههههههه

أسلوب جميل جدا والدماغ دي عاجباني

اسخر لعلك تضحك
:)

الأستاذ said...

ثورة
طب كويس إنك ليكي في السلطة لأني بحبها جداً
وياريت بدل م بنسف تراب وبناكل زبالة ناكل سلطة
تحياتي

walaa said...

اولا ربنا يوفقك فى الامتحانات بالنجاح ان شاء الله
ولا مصر بقت بتدى جنسيات كده بالسهوله دى اعزرها معلش اصل معندهاش شعب ومفيش زحمة موصلات ومفيش تكدس سكانى وكل البنات اتجوزوا والشغل كتيييرو فى فايض فى الاكل ومفيش تلوث مفيش بقى غير انها تدور على شعب ينعم بهذه الخيرات

yomna said...

فينك يا راجل من زمان
امتحانات ايه دي انا قلت ان بوستات الشيخ اوكاوي هي سبب الاختفاء وهو حلل دمك ولا حاجة

ربنا يوفقك في الامتحان اما بقى بخصوص الترشيح فانا متنازلة لاي حد عاوز يترشح مكاني...الناس هناك مبتعمرش يابني وانا واحدة عاوزة اربي العيال...ترشيح ايه ده بس ده لازم اللي يترشح يسيب وصيته الاول ويبوس العيال والمدام قبل ما يخرج من بيته


وكل سنة و انت طيب

DoMaLaYs said...

هههههههههههههه

بجد موضوع جامد

و امتحان جامد

فينك يا مان من زمااااااااااااان

ربنا معاك

الأستاذ said...

walaa
شكراً وربنا يوفقك إنتي كمان في حياتك
ومعاكي حق في إن مصر فاضية خالص د أنا حى بمشي في الشارع لوحدي وأروح الكلية لوحدي وأمتحن لوحدي وبرضه بسقط لوحدي
أتمنى تكرار الزيارة
تحياتي
-------------------
youmna
معلش بقى جت سليمة المرة دي وطلعت إمتحانات مش إنتهاكات! المهم إني برضه هريح تاني فترة كدة إحتمال مقدرش أرد على كومنتات تاني أصلاً
سلام

الأستاذ said...

domalays
إزيك يا عم
شكراً على زيارتك ومعلش أنا عارف إني مقصر معاك جامد بس إدعيلي بقى
سلام

Wish I were a Butterfly ... said...

سلام عليكم

عجبني امتحان السفارة المصرية دة
:)
بس مش قرأت البوست بذمة بصراحة لأني جاية لهدف معين و هعدي مرة تاني أقرؤه كويس و أعلق عليه ان شاء الله

جاية أهنيك عشان العيد و أقوللك كل سنة و انت طيب... ان شاء الله يكون عيدسعيد و تكون حياتك كلها بعده سعيدة جدا

ملحوظة: على فكرة امتحان السفارة المصرية "اللي مش بتاع الجنسية طبعا" دخلته و أنا صغيرة و جيت ملحق كمان :))) لسببين... أولا اني عرفت ان فيه امتحانات للمنهج المصري قبلها بأسبوع بس، و تاني حاجة ان كل الناس اللي حواليا كان معاهم كتب المدرسة في الامتحان ... مهزلة برده يعني

تحياتي :)

البِـئرُ والظمّأْ said...

سلام الله عليك



اهم حاجه الحمد لله بجد اطمنت على نفسي و قدرت اجاوب على الاسئله
كنت قلقانه قوي على نفسي


المهم سيبك من ده كله
ربنا يوفقك في الامتحانات يا رب
و يعتقك منها
زي ما اتعتقنا



كل سنه و انت طيب

زيزي

mesh2dra said...

السلام عليكم

الامتحان صعب اوى
ايه ده
رفقا بالطلبة شوية

****
اخبار الامتحانات ايه

****

كل سنة وانت طيب
عيد سعيد

سلاماتي

Unknown said...

كل سنه و انت طيب عيد سعيد

الأستاذ said...

wish i were butterfly
أهلاً وسهلاً بحضرتك وشكراً على الزيارة وأتمنى تتكرر إن شاء الله بس إيه موضوع السفارة ده بجد لا إيه؟
تحياتي
----------------------
meekness
طب كويس إنك إطمنتي علي نفسك وإبقى طمنينا عليكي وكل سنة وإنتي طيبة برضه وربنا يستر في الامتحانات تعدي على خير ونخلص منها زيك يا بختك
أنا خلاص مسحت الكومنت التاني وعيد سعيد لذيذ
تحياتي
-----------------------
mesh2dra
معلش مش أنا اللي جايبه من جيبي هو جاي كدة
الحمد لله أهو داخل في أول واحد وإنتي إيه ربنا معاكي
كل سنة وإنتي طيبة
سلام

loza said...

امممممممممممممممم

في سؤال صعب يا استاذ ..
ينفع اغش من الي جنبي ..

والله سؤال واحد وبعد كده هغض البصر ..

ههههههههه
بوست جميل تحياتي

الأستاذ said...

loza
ماشي يا ستي م هو لازم نكرمك مش ضيفتنا وأول زيارة وإن شاء الله تتكرر تاني
بس هو سؤال واحد بس
كل سنة وإنتي طيبة وعيد سعيد
تحياتي

dina said...

ايه الامتحانات الصعبه دى
ولا امتحانات الثانويه العامه بجد
وحلو سؤال رئيس مصر القادم اجابته معروفه اعتقد السؤال ده الوزارة قالت اجابته
كلمه هقولها بس
خسارتك يامصر والله فى ايد اولاد الحرام

Anonymous said...

يا جماعة خلاص عمكم سراكوزى مبلظ فى مصر لغاية ما يحل مشاكل الوطن العربى كله هيحط للبنان حد يتخانقوا معاه وهيظبط بتو فلسطين والحياة هتبقى ميه ميه
ده طبعا مش كلامى انما ده كلام وسائل الاعلام العربية اللى محسسانى ان سراكوزى رجل ولا كل الرجال وانه خايف علينا

klmat said...

كل سنه وانت واسرتك وكل حبايك بخير
بوست دمه خفيف جدا
وعجبنى اوى الاختيارات الكتيره
لرئيس جمهوريتنا
تحياتى وسلامى

Banota said...

kol sana we enta tayeb ya ostaz .. harg3 tany a2rah el post isa ;)

الأستاذ said...

dina
شكراً لزيارتك وياريت تتكرر
وفعلاً السؤال ده بالذات شكله معروف بيبقى من التوقعات المرئية والمسموعة كمان
كل سنة وإنتي طيبة وعيد لذيذ
-------------------------------
hend...hanady
فيينك من زمان؟ فاكرة بوستات أوكاوي؟
وساركوزي ده هو اللي هيجيب الديل من ديبه لأننا مش هنعرف نمسك الديب نفسه لكن نقدر نقطع الديل يارب حد يفهم .. كل سنة وإنتي طيبة وعيد لذيذ

الأستاذ said...

klmat
يارب يخليكي ويبارك فيكي وكل سنة وإنتي وكل اللي بتحبيهم بخير
وفعلاً أهم حاجة الإختيارات المتعددة لكن تعددت الإختيارات والحل واحد
كل سنة وإنتي طيبة وعيد سعيد ويارب تكرري الزيارات دايماً
-----------------------------
banota
وإنتي طيبة وعيد جميل عليكي وبراحتك تيجي في أي وقت ده بلوجك
سلام

oceaneyes said...

هههههههههههههههههههههههه

هههههههههههههههههههههههه

لالالالالالالالالالالا

مش معقولة بجد

مش عارفة انا بضحك من اسلةبك الحلو فى التعبير عن كل ده

ولا من الخيبة اللى بقينا فيها احنا ( واللى بيسمونا عرب يعنى )


ايه ده ؟؟؟؟؟؟؟؟؟

ليه يعنى ؟؟؟؟؟؟؟؟

والله حرام بجد ..بس فعلا امتحان صعب اوى يعنى ..فكرنى بإمتحان الثانوية العامة

خير خير

:D


دى اول مرة ليا هنا فى المدونة الرائعة دى ...وبجد فرحانة لوجودى فيها وان شاء الله هاكون مقيمة دايمة هنا ..ده بعد إذنك طبعا


....

وربنا يوفقك ان شاء الله فى الامتحانات بتاعتك

....


وكل سنة وانت طيب بمناسبة العيد

تحياتى

:)

عمر بوك ستورز said...

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

الأستاذ said...

oceaneyes
أهلاً أهلاً والله مستني زيارتك من زمان لأن برضه مدونتك داخلة دماغي
وبراحتك طبعاً تيجي في أي وقت دي مدونتك برضه وربنا يفرحك كمان وكمان إن شاء الله
كل سنة وإنتي طيبة ويارب معاكي إنتي كمان
عيد لذيذ عليكي
تحياتي
----------------------------
عمر بوك ستورز
أهلاً بزيارة حضرتك أنا مش فاهم خالص إيه الإعلان ده لكن أوعدك أزورك إن شاء الله
وعيد أمور
تحياتي

mohaawad8 said...

di awl mara ashark fi modwntak
w 2ism7ly 2iny 2attfl k3adty w 2ad5ol fi elmawdo3 ((safa9a))
besar7a elmawdo3 gamd gdn
w ma y7dos fi 3almna el3arby mahzla 3'eer tab3ia belmara laknha la targ3 2ila 3idt 2i3'tialalt wala higra 3'er shar3ia f alasbab trg3 2ila nisf 9arn ta9ribn
law sm7t ana 3ayez atrsh7 ana kman momkn tb3tly elmai
w k2isbat lshatrty hagwb 3ala 2imt7an masr
elso2al el2awl
1-لبست جزمة
2-المقاولون العرب
3-تاجر مخدرات
4-يا ريس
5-جيبي
6-وحياةأمك جمال مبارك
elso2al elsany
1-al2a3la
2-bt3ml shai blbn
ya rb 2ang7
t7iaty

الأستاذ said...

mohaawad8
أولاً: أشكر سعادتك على الزيارة الجميلة دي وياريت تتكرر كتير وأهلاً بيك في أي وقت
ثانياً: حاجة بس مدايقاني طالما هتتكلم لغة عربية يبقى إكتب لغة عربية بالحروف العربية يعني مش لازم الفرانكو دلوقتي محبكتش يعني
ثالثاً: شكراً على الإجابات وهنبعتلك قريب ميل من الداخلية هيقوم باللازم إن شاء الله
وكل سنة وإنتي طيب وعيد سعيد
تحياتي

mohaawad8 said...

انا اسف لو الفرانكو بيضايقك كل الموضوع اني كنت في الاختياري بعمل نسخ ولصق بس
واسف مجددا
بس علي فكرة لو كان الميل اللي جايلي بيطلب استدعائي علي ابو زعبل انا هادلهم عليك
تحياتي

الأستاذ said...

mohaawad8
لأ والله أنا مش قصدي حاجة أنا بكتبه آه لكن دي حاجة بتضايق شوية لو تقدر تكتب عربي عادي ومفيش مشاكل
بس على العموم حصل خير
تحياتي

نقطة مية said...

الامتحان الصعب ده المفروض ياخدوله دروس في المجموعة اللي عاملاها السفارة المصرية الساعة خامسة كل يوم
:-)
ربنا يوفقك في الامتحانات

الأستاذ said...

نقطة مية
معلش بقى علشان ميقولوش إني بحطلكوا إمتحانات معروفة والكل ينجح لازم في 90% للطالب المتميز و10% للطالب المتلخف
ربنا يكرمك ويكتر من ميتك
تحياتي

shreen said...

ربنا يارب يوفقك وينجحك
اكيد هتنجح الاسئله سهله

وانا هجرب حكايه الرئيسه دى
يمكن ننفع فى حاجه

الأستاذ said...

shreen
شكراً ربنا يخليكي وليه الغيبة دي كلها؟
مع أطيب تمنياتي بالتوفيق
تحياتي

مروة الزارع said...

أية ياعم
أنا مستنية بوستاتك جديدة منك على احر من الجمر

انت فين كل دةةةةةةةةةة

اتمنالك سنة جديدة سعيدة يارب

mohammad hamza said...

الموضوع حلو وبيضحك ...



بس فكرتنى بحجات والله تحرق الدم ..

مش غلطان طبعا ...

الموضوع جامد ... بجد

سلام ..

شريف طلال said...

كلام جميل
يضحك و يبكى
شكراً ليك مدونه جميله
تحياتى

الأستاذ said...

مروة الزارع
أهلاً بيكي يا ستي، معلش ظروف بقى وكدة وإن شاء الله أول م أفضى ههريكي بوستات
شكراً لسؤالك
----------------------
mohammad hamza
وشر البلية ما يضحك ، بس اللي يحرق الدم فعلاً إننا بيتعمل فينا كل ده وبرضه بنضحك أكتر م بيتقالنا نكت أصلاً ومش حاطين في بالنا إن كل ده إحنا السبب فيه
شكراً لزيارك وأتمنى تكررها
-------------------------
شريف طلال
فينك ياعم؟ مستنيك من فترة وشكراً على كلامك إنت وإنت اللي مدنتك أجمد طبعاً
أرجو تكررها بقى وشكراً لزيارتك دي
تحياتي

3ala asm masr said...

ههههههه
ايه الكلام الجامد اوى ده
بس هو الامتحان صعب اوى كده ليه
ربنا معاك فى الامتحانات ومعانا ونعدى منها على خير

. said...

لأ لأ لا
صحيح غبت عننا لكن الغيبة جابت فايدة
ايه البوست الساخن جداجاداجداجادا ده
رائع استاذ والله استاذ
مفيش كلام يتقال يكفي ما اثرته بداخلي
ربنا معاك ومعايا في الامتاحانات يا رب
استاذي
ارفع لك قبعتي

the fifth element said...

معرفش مدونه جميله فعلا..بس احنا كشباب متعبناش من كتر الهم اللى يضحك ويبكى ده.؟؟
المشكله ان الهم خلانا كلنا بنفهم وكويس اوى وعارفين سياسه ومستبيعين كمان

نص مثقفين البلد فى المعتقلات والنص التانى سيبنينه عشان مفيش مكان فى المعتقل

مفيش جدع كده ابن حلال يقولنا حل بقى
واحنا نرفعه فوق كتافنا ونهتف معاه؟؟
الله يرحمك يا جمال

Empress appy said...

طيب انا عاوزة اروح اترشح هناك بس ممكن تعلمنى طريقه التبوله
عجبنى قوى تشبيهك للناس والسؤال اللى طرحته انا بعبر عنها بطريقه تانيه انهم كدابين زفه ومش فاهمين
انا الامتحان ده صعب قوى طيب هذاكر وارجع ليك ماشى

sakayar said...

أستاذ؟؟؟يا أستاااااذ
لا بجد أستاذ تصدق أول مرة أدخل المدونة بس عجبااااني جدا جدا
حضررتك كنت مختفي فييين؟؟؟
بس مش عارف ليه مهما كان حاسس بإن المصريين حاجة كويسة وهترجع حاجة كويسة جدا ...لو تفتكر من التاريخ القديم بتاع جهاد وسلامة ... ملك مصر اللي كان زمان ورفض يساعد البلاد الاسلامية ضد المغول ..وكان النقد عليه عامل ازاي ... شوف بعدها كانت مصر هي البلد اللي غلبت المغووول بقيادة قطز ... بجد والله حتى لو بقت غامقة أوي ... لازم فيه نقطة فاتحة في النص نعرف نعيش منها تاني
تحياتي لفكرك وقلمك

ظل الشمس said...

بوست جديد وحشتنا البوست بتاعتك
ان شاء الله متغبش تانى وتكون دى اخر الاحزان
وعموما بجد لو على الهجرة فالجار اولى بالشفعة
بس نهاجر لعالم تالت؟
شوفلنا عالم اول الله يخليك واحنا نذاكر امتحانه كويس جدااااااااااا

Anonymous said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

dr.Roufy said...

هههههههههه
صحيح شر البلية ما يضحك
طول عمرنا كدا بنضحك من غلبنا..ونضحك على همنا
بس بجد بوست جامد بعد غيبة
ياريت ماتتكررش
وربنا يوفقك :)

حسام مراد said...

غير لينك المدونه اللى اسمها شغال
وبقت
http://7ossamworld.blogspot.com

وانتظروا الجديد عما قريب بعد فتره الامتحانات
والسلام ختام

malak said...

ايه الامتحان الصعب ده طيب اللى م عارف يجاوب يستعييييين بمين يعنى مش هاخد الدرجة النهائية

تحياتى

أحساس لسه حى...كلام من جوه روح لكل روح said...

عزيزى
لبنان ورئسها
شوفتوا فايدة الديكتاتوريه بقه
البلد العربى الوحيد اللى مفهاش تزوير للانتخابات مش عارفين ينتخبوا
اه جميله الاسئلة واجبتها سهلة جدا
ما عدا رئيس مصر القادم كان الاختيار بينهم صعب جدا ومحير
قولت اسيبه هو يختار نفسه
تحياتى
سلام

السقا said...

سوري على التأخير عنك وعن الرد .
وسوري على ان الرد بتاعي مش حلو .
لاني كتبت رد حلو بس الصفحة ما فتحتش فضاع كل اللي كتبته ومش حا اقدر اكتبه تاني .
لاني عاوز انام علشان عندي امتحان الصبح .
وربنا معاك يارب

Che Ahmad said...

ازييييييييييييييك يا استاذ
انا خلصت اخيرا امتحانات قلت اجي ابص
هو مفيش جديد ولا ايه
ولا انت لسه ما خلصتش امتحانات
مستني جديدك واسف ع الغياب
تشي