عامٌ وشوية من التدوين

عامٌ من التدوين .. هي مش سنة بالظبط لكن سنة وشوية يعني ...

وطبعاً عدى أكتر من سنة على البداية الحقيقة لدخولي عالم التدوين أو بالأصح المدونات نفسها اللي اتعلمتها وأدين بالفضل في ده لأستاذتي منى لكن البداية الحقيقة للتدوين كانت مع أول بوست في 3-9-2007 أنا عارف إن المفروض البوست ده للذكرى السنوية الأولى كان يبقى برضه 3-9-2008 لكن معلش كنت منقطع فترة كبيرة أوي من بعد الامتحانات يمكن ونزلت بوست تصبيرة لحد م أعاود الموضوعات وأستمر وقولت أهو أول الغيث قطرة لكن نزلت القطرة والغيث مجاش باين ربنا مستجابش ، المهم إني مكملتش وناوي بما إني كنت مش بعمل نشاط كبير في الأجازة بس مكنتش فاضي فيها يمكن لما بعدت عنت التدوين بقيت بمل لما أكتب كلمتين على بعض لكن الأيام جاية كتير إن شاء الله أهي الدراسة جت وإن شاء الله هكون أفضى من الأول أصلى غالباً أول تلات أشهر بكون فاضي ومش بذاكر لحد م تيجي الامتحانات وقبلها باسبوع بفكر أبدأ ليلة الامتحان ولا يومها الصبح (شاب تجاري تجاري مبيهزرش يعني) تجارة كلها تقريباً بتعمل كدة ، لكن العكس إني سبحان الله لما بمسك الكتب والمذاكرة قرب الامتحانات بحب المذاكرة أوي لأني بحس إني فاهم جداً (طبعاً لأول مرة بذاكر الكلام ده) لكن بالرغم إني مكنتش بذاكر قبل كدة وكنت برضه فاهم يعني مش كتير بس بكون بكره الدراسة جداً ومقدرش أجي من برة أمسك المذاكرة لو قالولي إيه ..... المهم بدون دخول في تفاصيل أكتر من كدة أحب أقولكم إن شاء الله هحاول أتواجد هنا أو في البلوجات التانية