Saturday, March 1, 2008

حتى لا تأتيك رصاصة طائشة - لا تلعب أمام بيتك

كانت تلهو أمام منزلها غير مباليةً بما يحدث على الضفة الأخرى
ولم يكن يخطر ببالها أن تُرافق الأطفال الآخرين وتشترك معهم سوى في اللهو واللعب
لم تكن تتبع تنظيماً بذاته أو انضمت لمظاهرات تندد بقتل الأطفال حتى وُضعت في موقف لا تُحسد عليه
وهو أن جاء موقعها تماماً أمام جندي إسرائيلي على بعد 700 متر منها ربما كان يتدرب على سلاحه الجديد ويجرب مجرد رصاصة "طائشة" في المكان المعتاد للتدريب للجيش الإسرائيلي
حيث إنطلقت رصاصة "طائشة" في طريقها مباشرةً إلى رأس تلك الفتاة التي لمَّا تبلغ عامها الرابع عشر حسبما قال المصدر التالي والذي يذكر أنها كانت في الثالثة عشر من عمرها واسمها (سماح نايف أبو جراد ) :http://www.masrawy.com/News/MidEast/Reuters/2008/February/28/434289.aspx
وحسب نفس الموقع الذي ذكر في مقال آخر أنها تدعى (سماح نايف مسلم) 14 عاماً:http://www.masrawy.com/News/Egypt/Politics/2008/february/28/egyptborders.aspx
أيهما كان صحيحاً فإن المُتفق عليه أن الطفلة (سماح نايف) وهي طفلة مصرية لم تدخل بعد فترة مراهقتها أصابتها رصاصة طائشة من القوات الاسرائيلية أثناء تواجد الفتاة في مدينة كرم أبو مصلح المصرية المواجهة لكرم أبو سالم الفلسطينية علي الحدود مع مصر
الغريب أن هذه "الرصاصة الطائشة" رغم أنها "طائشة" ومن على بعد 700 متر فقد أصابتها في رأسها (في مقتل) وطبقاً للتعبير فقد نُقلت الفتاة (على الفور) - " وهذا ما لا أصدقه " - إلى مستشفى العريش ولكنها قد تُوفيت بعد وقت قصير ...
* يذكر أن ابن عم الفتاة قد توفي في وقت سابق الشهر الماضي برصاص القوات الاسرائيلية
فهل كانت أيضاً رصاصة "طائشة" هي السبب في قتل قريبٍ لها أم أن غباء هذه العائلة هو ما جعلهم يقطنون أمام هذا الجندي الذي يؤدي واجبه من قتل الأطفال .. عذراً أقصد يمارس غريزته التدريبية وهي اقتناص الأشياء الصغيرة على بعد 700 متر للمدينة المقابلة
وعلى الجانب الفلسطيني تم أخيراً اغتيال الطفل الرضيع (محمد ناصر البرعي) أحد قادة حركة "أطفال من أجل الحياة" والذي بعد باعٍ طويل في الحياة (5 أشهر) هي عمره الذي توقف بعد الرصاص الذي على ما يبدو أيضاً أنه كان "طائشاً" والذى أرداه شهيداً لينضم إلى باقي أطفال فلسطين الذين هاجروا إلى الجنة:http://www.alexikhwan.net/News.aspx?ID=14828
وهذه صورة الطفل الرضيع الذي كان عمره خمسة أشهر فقط

وأخيراً ..
كثُرت كمية الرصاصات "الطائشة" ولم تعد هناك فرصة للهروب .. وهذه ليست المرة الأولى ولكن كان قبلها العديد ممن راحوا ضحية الرصاص الطائش وبالرغم من هذا فما استفذني هو حين يجد الرصاص الطائش مكانه في رؤوس الأطفال ... فحذارِ من اللعب أمام المنزل يا كل أطفال العرب لأنه توجد رصاصة طائشة تتربص بكم وتنتظر أن تستقر في مكانها الأخير ... "عقولكم"
ملحوظة:
كان من المفترض أن أنشر بوست "وثالثهما بوش" أولاً ولكن الأمر لم يكن بيدي حين جاء هذا الموضوع "الطائش" أولاً

40 comments:

Unknown said...

ايه ده الرصاص الطايش كتر كده ليه بس تفتكر هو فعلى طايش ولا احنا الي شعب طايش

تحياتي يا استاذ و مستنيه رايك في البوست الجديد

Unknown said...

اولا
مبروك يااستااااذ
ههههههه عقبال التخرج
ادعيلي انا كمان نتجتي قربت
مش عارفة لية الشات بوكس مش ظاهر عندي
ومش بشوفك خالص فينك يابني
وثانيا بخصوص الموضوع
فا طبعا الرصاص الطايش كتير
بس حسيت بحاجة وانا بقرا الكلام
لما قولت
ان الرصاص في العقول
وانا حاسة ان في اقوي من الرصاص بكتير مظبطينة في عقولنا مش محتاجين رصاص واهو دة اللي ناقص
ربنا يتولنا
بس علي فكرةانا نفسي اموت شهيدة
بس نفسي اموت شهيدة لحاجة تستاهل مش رصاصة طايشة
سلام

HeBa said...

الرصاص الطايش كتير فعلا

تخيل لو سماح أمريكية الجنسية مثلا مش عربية

كان حصل ايه

للأسف العرب دمهم بقى رخيص جدا تقريبا بقى ببلاش

تحياتي

Desert cat said...

هو ايه الرصاص الطايش بتاعهم ده
مش مربينه ولا معلمينة الادب
ولا لما مش يتعلموا هما الاول
حد يقولهم والنبى يلموا رصاصهم شوية احنا مش ناقصين

لحظة تأمل said...

حتى البكاء على ارواحهم او الانتفاض من رؤية صورة الرضيع لا يكفى

كل ما حولنا هو طائش بحق
حتى نحن العرب تفكيرنا طائش

مش عارفة مستنيين كام رصاصة طايشة عشان نفوق بقى ونصرخ

مدونة رائعة
تحياتى

الأستاذ said...

emy
لأ فيه برضه واحد قبل كدة راجل مصري في التلاتينات تقريباً مات برصاصة طائشة من كام إسبوع كدة
أنا جاي آسف على تأخيري

my hope$
الله يبارك فيكي يارب
وعقبالك بقى إن شاء الله إمتياز زي م قولتلك
معلش أنا مقصر لأني مكنتش بزور حد خالص
اللهم ارزقنا الشهادة بس على حاجة تستاهل

heba
دم العرب بيرخص في حين إن بترول أمريكا بيغلى
عجبت لك يازمن

desert cat
كثر الرصاص الطائش وإسرائيل لم تنفذ منها الذخيرة

لحظة تأمل
شكراً لزيارة اللطيفة
وأرجو تكرارها وما أكثر الرصاص الطائش حين يكون قادماً من إسرائيل
تحياتي

سنووايت said...

انا لله وانا اليه راجعون
الواحد لما بيقتل حيوان دون قصد تتحول حياته لجحيم فما بال من يعيش علي ارواح الاخرين

الأستاذ said...

سنووايت
معك حق .. لا أدري كم إنسان قتله حيوان مثل هذا؟

shreen said...

لعنة الله عليهم جميعا
جبناء يستترون خلف مدافعهم
يطلقون طلقاتهم " الطائشه "
لتقتل
براءه
لتقتل
حلم
لتقتل
طفوله
لم تنطلق طلقاتهم " الطائشه تلك "
لتزيل من الوجود شيئا قبيحا او قميئا
بل لتحصد كل ما هو
جميل
نقى
وطاهر
او صاحب حق

فقط لو جردناهم من اسلحتهم تلك
وكانت معركة
رجل لرجل
ما الذى سيتبقى منهم ؟!

الأستاذ said...

shreen
هي دي كل الفكرة
الأسلحة
علشان كدة اتغلبنا في حرب 48 بالأسلحة الفاسدة كما يقول البعض
أياً كانت الحقيقة
فالفساد في اللي ماسكين الأسلحة مش في الأسلحة ذاتها

د/اجدع بنوته said...

انا اتحرقت يااستاذ

لما قريت الخبر ده

شعور بكمية هواان

وخضووع

اين سيادتنا ع اراضينا

علمنا بيرفرف ده ولا بيصرخ

ااااااااااااااااااه

حسبنا الله ونعم الوكيل

وااااااامعتصماه

(احمد سكر ) said...

ونسيت الجنود اللى انضربو اسنه اللى فات

وبردو برصاص طائش

السنه اللى قبلها بردو

ال رصاص طايش ال

تحياتى اخى

تقبل مرورى
احمد سكر

الأستاذ said...

د/أجدع بنوتة
مش موجودة حضرتك السيادة دي
ولا حتى على أرضنا إحنا
دستور يا اسيادنا

سكر
لأ منسيتش كتير أوي حصلت أول مرة لاحظتها المرة اللي فاتت دي
لكن كنت محروق أكتر من ساعة الأطفال دول
وسأتقبل مرورك
شرفتني جداً

Rania Lelah said...

عندما ترجمت هذا الموضوع اخى من جريدة عالمية لا استطيع وصف ما شعرت به من الم يعتصف بى
ليس فقط لانها مصرية
فهذا كان قدرها
و لكن ايضا لعدم رد حوكمتنا الموقرة و كان من ماتت هذه كانت دميه ليس لها شأن
ما يحدث الان على الساحة لا استطيع قول غير
حسبنا الله و نعم الةوكيل
و هو قادر على كل شىء

تحياتى لقلمك

فتافيت سكر said...

السلام عليكم

اانا مش عارفة فعلا اللي بيحصل ده ايه ؟ هو انا اول ما قريت الخبر عالجزيرة طبعا زعلت اوي على الطفلة , وكمان جه في بالي سؤال ..هو ده مش انتقاص للسيادة الوطنية اللي بيقولوا انها لم ولن تمس ؟؟
ازاي طفلة مصرية تتقتل برصاص اسرائيلي بدون اي رد فعل ؟
يعني ده بيحصل في اسرائيل بس دي دولة محتلة مش كده ولا ايه ؟

ياريت حد يتطوع ويفهمني الموضوع ده
وشكرا

على فكرة انا اخيرا عملت بوست ياريت تشرفنا وتشوفه
وابقى باركلنا بقى ;p

walaa said...

لعنة الله عليهم اجمعين
حيبنا الله ونعم الوكييل
اين كرمتنا يا عرب
اين موقفنا تجاه اخوننا فى فلسطين
تحياتى ولاء

البِـئرُ والظمّأْ said...

بوست طائش ف محله

لا يسعنا الا البكاء و الدعاء لهم
و حسبي الله و نعم الوكيل





زيزي

barbie girl said...

ربنا يرحمها
والغريب حالة السكوت التام من الحكومة
المصرى طول عمره ثمنه رخيص
او مالوش ثمن اصلا
اهى البنت ماتت شهيدة يا بختها

مدحت محمد said...

الرصاصة مقصودة مبيضربوش رصاص طائش والبنت سواء كانت مصرية او فلسطينية
كلنا امة واحدة مفيش حاجة اسمها دى طفلة مصرية ودى طفلة فلسطينية
لان الوجع والالم واحد
تحياتى

mnoon said...

رصاص طايش
ياسلام
لو يبعتولنا الناحيه دى
كام رصاصه طايشه
ولكن محدده هدفها
فاهمنى طبعاً

ღϠ₡ღأمير الهدوءღϠ₡ღ said...

حرب استهدف فيها المسلمين اطفال كانوا ام شيوخا
والشباب يتلذذون لتعذيبهم حتى الموت

نغمض اعيننا ونقول سلام
ولكن اين السلام ومع من السلام
مع من نطلب السلام
هل نطلبه من قتلة الانبياء خائنون العهود احفاد القرده والخنازير

هدفهم ليس فقط فلسطين
هدفهم تدمير كل من يقول لا إله إلا الله
ولكن نحن من نضع ايادينا على اعيننا

وقريبا سيتضح هدفهم أكثر


نجحوا في قتل برائة الشباب
نجحوا في قتل غيرة الرجال
نجحوا في قتل الحياء لدى النساء
وآن الآوان لكي يلعبوا لعبتهم القذره
ويتلذذون بمحوا كلمة الإسلام

ولكن رغم ان بالشجره اوراق كثيره قد ماتت وعفنت ولم يعد لها فائده
إلا ان هناك براعم يحملون النصر بإذن الله

جيش محمد سيعود قريبا


تحياتي لموضوعك المؤثر جداا

احمد

Banota said...

حسبى الله ونعمه الوكيل .. ربنا يكون فى عون أهلها ويصبر ماميتها وباباها

. said...

...

sahr said...

حسبي الله ونعم الوكيل

الأستاذ said...

أمير الهدوء
صدقت في ردك

bnota
فعلاً حسبي الله ونعم الوكيل

sad_doraa
...
أعتقد أنه أبلغ رد قرأته

sahr
حسبي الله ونعم الوكيل

Hedaya Al Haj said...

طأئشة !!

هذه طائشة منظمة ليس الا .. ياه كم علينا البحث عن مسميات مماثلة لهذا الطيش ..

قد يصل بنا التيه الى استخدام مسميات لاول مرة تستخدم في اللغة ..
ولكن لا لغة ولا بلاغة قادرة على وصف هذا المسلسل الدمويّ ..
ربما كتب علينا نحن الفلسطينيون استشعاره مع كل قطرة ماء تدخل افواهنا .
وقد يقول البعض بانها مصرية ما ذنبها
ولكنها عربيّة ..!! هي وذلك الطفل وغيرهم وهذا الخيار ما هو الا تعبير اخر عن ايمان الجميع بان تلك الدولة ما هي الا دخيلة بيننا ..

تحيّاتي لكَ

ملاحظة :" كنت ارى تعليقاتك في مدونات عدَّة واليوم فقط زرتك "

Anonymous said...

ما دام الطفل العربي
فدمه أرخص من قطره البترول
لا عليكم هو قد رحل
ولكن الى جنه
اما هم فسيرحلون الى الجحيم
حسبي الله ونعم الوكيل

الأستاذ said...

عروبة
عروبة؟ اسمحي لي أولاً أن أتعجب قليلاً من هذه التسمية التي انقرضت
ثانياً اندهشت جداً عندما علمت موطنك وهذا ليس بغريب ولكن الأغرب سنك
ثالثاً شرفتني جداً زيارتك
رابعاً والأهم .. لن أزايد على كلامك
تحياتي

MĕŢø & ŘǿŖêĔ
فعلاً سعر برميل في ارتفاع
ولكن الرصاصة التي تقتل إنساناً قد تكون برخص التراب
تحياتي

lonlysmily said...

يابنى
اذا كان الرئيس نفسه بيتريقوا عليه فى التليفزيون الاسرائيلى وكل ردة فعله
......................
فطبيعى بردة لو حتى الف طفل ماتوا هيقولك نحن نشجب وندين وندد ونهدد
كلمتين هيتقالوا وبالسلامه
والناس يعينى ملهيه فى الفول اللى بقى ب6 جنيه والعدس اللى ب8 جنيه
وكل ما يفتكروا طفل ولا شهيد مات برصاصه غدر طايشه
يقروا الفاتحه ويدعوا بالرحمه
ليه وليهم

فتوح أبو المفاتيح said...

إحنا بقينا بلا كرامة
بلا نخوة بلا رجولة
وكل دا تحت كلمة
ضبط النفس

اللهم إننا مظلومون فأنتصر

من انا؟؟ said...

والله نستاهل ونستاهل اكتر من كده كمان
ماحا اللى رضينا
ماحنا اللى حاطين وشنا فى الرمل حتى مش هاين علينا نتقى ربنا فى شغلنا
يارب فوقنا بقى يارب

di el2mr said...

المشكله مش فى ان دة رصاص طايش ولا حتى جندى اسرائيلى صهيونى طايش
المشكله اننا بقينا شعوب طايشه ومش عارفه تاخد حقها
وبسكوتنا على كل اللى بيجرالنا هيحصلنا اكتر من كدا
وبدل مانلاقى رصاصه طايشه على البر التانى لفلسطين
ممكن نلاقى رصاص اسرائيلى طايش فى السلوم
واهو برضو من البر التانى


على فكرة موضوع الرصاص الطايش ده شغال من 8 سنين بس احنا لسه بدأين نسمع عنه قريب

الأستاذ said...

lonlysmily
إلهي تجيله رصاصة طائشة وتخلصنا منه

فتوح أبو المفاتيح
اللهم آمين

مدونة من أجل الحب
والله معاكي حق إحنا محتاجين نفوق بس إزاي؟

di el2mr
طب وإحنا كنا عملنا إيه من 8 سنين؟؟؟

إنسان || Human said...

لا أظن أنه رصاص طائش ..بل هو رصاص حقد وخبث وشر
ولكن كما ذكر في القرآن
ثم قست قلوبكم بعد ذلك
فهي كالحجارة أوأشد قسوة

ثورة said...

المقالة دي طائشة برضو ولا ايه ؟
لو حد سألك ابقى اعمل فيها عبيط وقول آه

الإصرار على الوضوح والمباشرة مع الكذابين والسفلة نوع من السذاجة

الناس دول مينفعش معاهم غير المكر والتحايل وسفك الدم

ومطلعوش من سينا ولا من لبنان غير بالقوة والدم

بس هنقول ايه
إذا كان رب البيت بالدف ضارب

مبقاش فيه فرق كبير بين اللى جوا وللى برا
كله بيستعبط عشان ف الآخر يوصلل للى هو عايزه
وف الآخر يقول كانت رصاصة طائشة

وفعلا
إن الذكي اليوم من يتغابا

TIMMY !! said...

طبيعي جدا
لما واحد يديني على قفايا و أسكت ,
يبقى هيديني على وشي بعد كدة
و يبدأ في اللكاكيم
و مش هايسيبني لحد ما يخلص علي
يسيبني ليه ؟
ما هو أنا ساكت

للأسف احنا بناخد على قفانا من الصبح و ما حدش بيتكلم , فطبيعي بضربوا بالرصاص لحد ما حد ربنا ينفخ في صورته و يتكلم

shirry said...

اصل الرصاص الطايش دا جاي من ايدين سايبة
بجد والله حرام عليهم
وحرام علينا علشان ساكتين
ذنبهم ايه دول اطفال
حسبنا الله ونعم والوكيل

الأستاذ said...

Human
اختلفت الآراء والعدو واحد
سعيد بعودتك إلى المدونة

ثورة
أي حد ممكن يقتل أي حد بطريق الخطأ
تشرفت بزيارتك بعد غيبة

timmy
فعلاً حكومة وشعباً واخدين على قفانا
الشعب من الحكومة والحكومة من اللي برة

shirry
جاي من إيد مرعوشة
إيد خايفة على رأي البنت الفلسطينية اللي في أوبريت الضمير العربي

تــــ(حـنة)ــــر said...

ترى يكفى الرصاص الطايش لتدمير اروحهم
ام يوجود ما هو اقوى من الرصاص لديهم لتحطيم كل ماهو اخضر و يابس
رحمنا الله وعافانا
تحياتى

الأستاذ said...

تــــــــــ(حـنة)ـــــــر
طالما أنه طائش إذا فسوف يدمر "عبثاً" كل ما هو جميل وبرئ ونقي