Saturday, March 15, 2008

إحتراف بقرار جمهوري

كُتب في 6 مارس ولكن كنت مشغولاً.....

تم الاستقرار أخيراً على أن "عصام الحضري" سيتوجه للاحتراف في "سيون" بسويسرا بناءاً على قرار جمهوري من الرئيس نفسه ، الحقيقة أنني لا أعلم ملابسات الموقف جيداً ولكن ما استوقفني في الأمر هو أن هذا القرار جاء تلبية لرغبة السيد "جمال مبارك" أحد معجبي "الحضري" وابن "الرئيس الحالي" والمتوقع أن يكون "والد الرئيس بعد القادم" (لم أذكر من هو الرئيس القادم ! ) في سلسلة لا تنتهي من حكم تلك "العائلة المقدسة" كما أنني أعتبره تدخلاً في شئون كروية شديدة التعقيد والحساسية ولكنه بصفته المسئول عن مستقبل الأمة وبالطبع له حكمة في هذا القرار المصيري بالنسبة للحضري ليس بصفته حارس مرمي "نادي الأهلي" ولكنه حقه كـ "مواطن" ومن المعروف أن هذا الحق لا يقترب منه أحد تماماً - كما أن هذا اللقب لا يقترب من أحد - ولا يُلصق بشعب هذا "الوطن" بتاتاً (معذرة لاستخدامي مصطلحات عفى عليها الزمن و"بال" عليها الحكام) ولكننا برغم كل هذا نُحيِّي الروح "الوطنية" والرئاسية والتي عززت الروح الرياضية الخطيرة في هذا الموقف الواضح ، يقولون أن ما فعله جمال مبارك مشابه لما فعله "عُدي صدام حسين" (الله يجحمه) وكرر نفس القصة وأرهق نفسه وضيع وقته في تفاهات بعيداً عن حماقات السياسة ......

وأقول بكل ثقة لا

لأن الموقف ليس مماثلاً هنا نظراً لأن "صدام حسين" قد تم إعدامه ... أما رئيسنا فلم نتشرف بهذا حتى الآن لأنه بكل بساطة لا يتأثر بخصائص "بني آدم" الطبيعين فهو لا يمرض أبداً في حين يمرض غيره من الشرفاء كـ (الشاعر أحمد مطر وغيره) ... كما أنه كان قد نَفى هذا عن نفسه لأننا كنا قاصروا الفكر عندما أطلقنا إشاعة أن صحة الرئيس في خطر .. وبالطبع فإنه لا يموت ولهذا نجد كل من (مجدي مهنا - يونان لبيب رزق- و جمال بدوي) مثال جيد للبشر العاديين رغم أنهم ليسوا عاديين في حقيقة الأمر، أما عن "عُدي صدام" فقد مات في الحرب سواء كان مقاتلاً شريفاً أم مات وهو يهرب منها ، إلا أن الفرق واضح لأننا لسنا في حرب واضحة ولكنها تُدار من "تحت الترابيزة" ولا نعلم من أسلحتها إلا الرصاص الطائش، وأعتقد أننا لن ندخل حرب إلا في حالة إذا احتل "اليهود" فلسطين أو دخل "الأمريكان" العراق أو حدث أي ظرف آخر في الوطن العربي .. ولكن غير ذلك وطالما أن أراضينا سليمة فلا داعي للحرب.

السؤال يأتي متصدراً:

كنا قد ذكرنا أن السيد أوكاوي ذات نفسه كان قد تدخل في شئون سياسية بحتة وعاب عليه الكثيرون هذا الفعل وأحدهم يدعى "الأستاذ" كان قد ذكر هذا بالفعل

فما علاقة الرئاسة ذات نفسها بتلك المسائل الكروية التي لا أفقه فيها أنا شخصياً ؟؟؟

وكما ذكرت العلاقة بيني وبين لعبة البيسبول ... فالآن أثبت أنه ليس لي صلة بلعبة "هوكي الجليد" ؟؟؟؟؟

صحيح أنا لا نملك لعبة "الهوكي" في هذا الوطن ولكننا نملك "الجليد" (واللي يدور ياما يلاقي)

حتى جاء القراء الذي "أباح" للحضري أن يري العالم من خارج أسوار مصر كأنه منفي وأمر بعدم المساس به وعدم مضايقته وتنفيذ طلباته!

كان قد ذُكر هذا الموضوع في عدد سابق للدستور ولا أذكر تحديداً التوقيت ولكن ذكر على هامش النفس الصفحة في المقدمة موضوع آخر استوقفني هو الآخر "إشمعنى ده يعني؟ "

وهو

ساعات الوزارء تتعدى الملايين

ليه يعني بتحسب توقيت يوم القيامة؟؟ يعني هيعرفوا إمتى يوم القيامة علشان يتوبوا قبلها ولا إيه مش فاهم؟

ولا مثلاً لأنهم بيفكروا ياخدوا ضريبة على الوقت والساعات دي معفية؟؟

ملحوظة: المهم إني مش في حالتي دلوقتي علشان كدة الموضوع بايخ أوي في رأيي .. حتى التناول ليس على المستوى "الوضيع" المعتاد كما أعتقد!

33 comments:

http://kasperb4.blogspot.com/ said...

طب انا بس اسجل حضوري اول واحد واقولك مبرووووووووك الف مبرووووك على نجاحك
وعقبال اخر السنة ان شاء الله وعقباااااااالي

واقرا واجيلك بقى
:D

http://kasperb4.blogspot.com/ said...

انا اخر حاجة بصراحة عرفتها عن موضوع الحضري ده انه رجع واعتذر للناس وللنادي في برنامج البيت بيتك
وان كنت مش كروي بطبعي في الحقيقة الا اني متابعتش بعدها حاجة عن الموضوع

ومش عارف فعلا ايه العلة في ان جمال مبارك يعمل كده؟

أنا حر said...

انا عرفت ان مبارك كمان اتصل بعصام وقاله انه هيحل الموضوع بس لازم يرجع وطلب منهم لما قابله بعد كده انهم يوافقوا على احترافه
اصل احنا خلاص حلينا كل المشاكل اللي عندنا وفضلت مشكلة الحضري
حسبي الله ونعم الوكيل
تحياتي

TIMMY !! said...

يا باشا انتوا شايفين الموضوع ممن زاوية تانية خالص
طول عمركم نيتكم وحشة كده
الناس "غرضها شريف" يا جماعة
هم بس امتدادا لسياسة التنظيم , و وضع كل شيء في موضعه , و عدم وجود هفوات أو أي شيء عشوائي في بلادنا الحبيبة
كان حتما و لزاما عليهم , انهم ينظموا حوار الحضري ده كمان ,
انتوا عاوزين الشعب يبات مهموم و لا ايه ؟
احنا عاوزين الشعب ينام مطمئن القلب , هاديء الروح , ما بيفكرش في أي حاجة "تعككنن" عليه ,

oceaneyes said...

انا عموما ماليش فى الكورة ..بس اللى الحضرى عمله ده على الرغم من انه زعل المصريين منه وخصوصا الأهلاويين ..الى ان هو انسان برده ومن حقه يدور على مصلحته ..مع ان النادى الاهلى ما كنش بيأثر معاه فى حاجة

ده كفاية السنة دى داخله 3 مليون

!!


عموما مش هانحسده ولا حاجة

هانقر بس

:D



ولو على ان جمال مبارك ومبارك نفسه اتدخله فالحاجات اللى كانت زمان تجيب صدمة دى بقت عاااااااااااااادى اوووووووى اليومين دول


سايبيبن مشاكل الشرق الأوسط ومشكلة غزة والعالم العربى ..ورايحين يحله مشكلة الحضرى !!

ارحمنا يارب برحمتك الواسعة


!!

rona said...

مش قدرين انمشكله عصام الحضرى هى مشكله جمده جدا هى السبب فى زياده الاسعار وعدم وجود العيش طبعا لابد من تدخل السيد الرئيس والا الناس تموت من الجوع

rona said...

واحب اشكرك على مواضيعك الجميله

Unknown said...

بحجز زي محمود وجاية علشان لسة شوية كدا وهقرا اية المواضيع الكبيرة دي يا استاذ وبتدخل تقولي مواضيعك طويلة من بعض ما عندكم احنا اتعلمنا التدوين سوا ولا اية
ههههه
سلام موقت

dina seliman said...

موضوعك جميل
حاجه كده بتكرنى بالمقوله تجيبها كده تجيلها كده هى كده

M.a.r.y.o.o.o.m said...

كل سنة وإنت طيب
موضوع عصام الحضري إنتهينا منه خلاص وزي أنا حر هو جاله إتصال من برايفت نامبر قاله إرجع مصر ورجع
تحيــــــــــــــ مصـــر ـــــــا

Anonymous said...

هههههههههههههههه
اه صحيح
هو الحضرى بقى مشكلة قومية وطنيه مهلبيه للدرجادى؟؟
مايروح يحترف ولا يسافر ولا يلعب فى فريق كفر ابو طشت
وبعدين يعنى؟
انا ملاحظه ان الموضوع ده اخد كتير قوى من وقت الناس فى التفكير
ودا بينرفزنى
انا باكره الكوراااااااااااا

lonlysmily said...

ازيك يا استاذ اخبارك
على فكرة انا قريت المقال اللى فى الدستور اللى بيشبه جمال مبارك بعدى لانه بيدخل فى امور كتيرة مش تمسه هو شخصيا
بس دا العادى احنا اتعودنا من الراجل كتر خيره انه يشاركنا مصايبنا
دا على اساس ان الحضرى بقى معضله فى بلدنا يفضل فى الاهلى ولا يغووور

كمان جمال بيدرب على انه يتحمل مسؤوليه البلد دى
بيعمل
training ya3ne
وبالنسبه لساعات الوزراء كالوزير المبجل انس الفقى اللى مرة ظهر بساعه فى البيت بيتك يتعدى تمنها ربع مليون فدا راجل سمع اغنيه شاديه غلط
متقولش ايه ادتنا مصر قول هتدى ايه لمصر

فالوزير كتر خيره عماااااااال ياخد منها وشكله نسى يديها حاجه:(

كلمتى said...

السلام عليكم
بقى ياراجل مش عجبك كلام ريسنا جمال مبارك (بإعتبار ما سوف يكون ) لا لا لا
ما لكش حق
من منطلق ان العقل السليم فى الجسم السليم
لازم طبعاً اهم حاجه عندنا تكون الرياضه
حتى لو احنا مش لاقين رغيف العيش
وحتى لو الاسعار مولعه
هو ده كله يهم
اهم حاجه الرياضين
مش الشعب اللى ما بيشبعش
شوفت بقى انت ظلمته ازاى
تحياتى

dr.Roufy said...

ما أجمل ان يشعرك بابا القائد ..انه يتصرف في عزبة ابوه
:)
واننا نحن بهايم العزبة
بجد الواحد مفرووووووووس

وعلى فكرة الموضوع على مستواك المعتاد..والى اظن انه عالى بجد

تحياتي

shirry said...

انا مش عارفة الموضوع مش عاجباك ليه معنه موضوع في الجون
ومش في الوقت الضايع حسب التوقيت المحلي لساعة الوزراء

والله بجد مش لاقية حاجة اقولها لاني مش شايفة ان موضوع الحضري يستاهل ان مبارك وجمال يدخلوا فيه
اما موضوع الساعات اللي مضايق دا فهو صراحة مستفز يعني الناس بتموت علي رغيف العيش
وهما بيشتروا ساعات بالملايين
يعني ايه االي هيحصل لو واحد فيهم باع ساعة وفك ازمة الغلا دي
ماعلينا

وابقي تعالي

البِـئرُ والظمّأْ said...

هههههههههههههه

امال لو كنت في حالتك كنت قلت ايه بس


يا بني ماش شاء الله زي ما قلتلك الموضوع بتتناوله بسخريه و في نفس الوقت بطريقه حلوه قوي

على فكره السيد الوالد بقا من متابعين اي جديد ليك


تحياتي

زيزي

nonna said...

ياسيدى بعنى جات على الحضرى؟ على الاقل لقينا الرئيس وابنة مهتمين بحاجة احسن من مفيش

shorouk said شروق سعيد said...

بص أنا عندي وجهة نظر في الموضوع ده نفسي سيادة الريس ياخدها بعين الإعتبار
هي إنه يصب كل إهتمامته في فريق الننوس جيمي و أخوه علاء
يعني يخلوهم في فريق الصقور أحسن
و مالهومش دعوة بالحاجات بتاعة الشعب دى و إن كانو لابد إن جيمي عاوز يتصل بحد في التلفيون و يقوله أرجع يا حوبي مصر بتناديك فيسيبه من الحضري و يتصل لنا بممدوح إسماعيل
و الريس لو عاوز ياخد قرار جمهوري حاسم خليه ياخد لنا قرار في مشكلة رغيف العيش اللى الناس بتقتل بعضها علشانة و الشعب حيتصرف هو مع الحضري

semsema said...

يعنى جات على الكورة ومش عايز السيد الرئيس وابنه المبجل يتدخلوا فيها
ياسيدى ياريت تيجى على قد كده

ربنا يستر
تحياتى

السقا said...

اولا اعتذر عن انقطاعي الفترة الاخيرة .
ثانيا اهنيك بنجاحك اللي انا ماعرفتهوش غير من آلام وآمال .
ثالثا تعليقي على الموضوع بسيط اوي :
هو إيشمعنى سوسيرا ؟؟
-ممكن ارد يا مستر
-اتفضل يا حبيبي
-علشان يكون "حارس" ملايين الخصخصة
-والله يا حبيبي انا مش حا اقدر ارد عليك واقول صح ولا غلط اللي يقول كده هو الاستاذ .....
بس هو فين ؟؟ دا فيه 19 رد من حوالي 17 فرد ماردتش عليهم ( ربنا يستر )
آمين آمين آمين

mnoon said...

متخدش فى بالك
سيب جمال يعمل اللى هو عايزه
البلد بلد أبوه
حتى الان
ولما تبقى بلدنا نبقى نتقول رأينا
وعندى أمل إن بلدنا هترجع لنا
بس شويه وقت

صحفية روشة said...

لا بقى الغريب فى الموضوع حاجة اكبر من ده كله
الحكومة بتشوف النشرة وعارفة الازمات
هههههههههه
تفتكر انهم عارفين انه فى طوابير عيش

ياسر شمس الدين said...

اهو عصام شال جونين انهارده اللى بيتنمرد على الاهلى بيجى الارض وربنا يرحمنا من عصام واللى بيتوسطله

رئيس جمهوريه نفسى said...

علمنى الهيافه يا بابا تعالى فى الفارغه واتصدر بس خلاص

The Queen said...

بعيد طبعا عن قصة الحضري اللي عملوا عليها حفلة شاي في وسائل الاعلام
الموضوع فيه شئ غامض لان زي ما قلت " اشمعنى ده " ؟
يا سيدي احنا خلاص فقدنا الامل في البلد دي الحل ان ميكونش في رئيس قادم ولا بعد قادم لو من نفس الفصيلة

دي شغلانه تقصر العمر " الملكة تتحدى الملل "

موضوعك كالعادة جميل واسلوب ساخر ممتع

لك كل التحية

. said...

استاذ
ولا اكثر

روابط said...

هو فعلا الموضوع اخد أكتر من حقه.. ولوانى فى زيارة سريعة الا أننى أعتقد انها مدونة مميزة

Charisma Queen said...

ههههههه
ههههههههههههههههه
لالا لا
ههههههههههههه

الأستاذ said...

أشكر الجميع على الردود
وآسف يا جماعة إني مش برد ولا متواجد لأني مشغول جداً مش عنكم طبعاً ولكن معنديش دلوقتي ولا يوم أجازة كل يوم محاضرات وكورسات ومشاوير مش فضي حتى أذاكر والله م لمست كتاب ولا فتحت حاجة لحد دلوقتي إدعولي أعدي بس
ومتقلقش يا سقا أنا بخير مروحتش في الرجلين لسة .. بس ربنا يستر إن شاء الله
أشكر بجد كل الناس اللي جات زارتني جديد والأصدقاء القدامى طبعاً وأعتذر ع تقصيري في حقهم وفي حق الكلام الجميل ده كله
والله مش لاحق حتى إني أنزل البوست الجديد ولا إني أنزل أول بوست في البلوج الجديد
لكن هحاول أنزله دلوقتي وأبقوا ادخلوا شوفوه بقى
مع أطيب تمنياتي للجميع بالصحة والسعادة والإضراب
تحياتي

صحفية روشة said...

والله موضوع الحضرى ده خلانى اخد بالى ان الريس والحكومة بيتفرجو على التلفزيون زينا بالظبط بدليل انهم عرفو مشكله الحضرى
يعنى مش فى برج عاجى ولا حاجة
امال مش بيتكلمو على مشاكل البلد زى مشكله الحضرى ليييييييييييييييييه؟

Banota said...

هاى أزيك اخبارك ايه .. أنا أسفه كتيير على أختفائى المفاجأ ده .. و كمان أنا هكتب كومنت على البوست بتاعك .. بس الأول عايزه أعزمك على المسرحيه بتاعتى .. الدعوه عامه يا سمير على فكره ( مجاناً يعنى).. هههه .. التفاصيل بتاعت المسرحيه عندى على البلوج لو تحب تعرف

تحايتى ليك

Ana keda said...

فى بلدنا يا عم سمير

مينفعش تعمل اى حاجة احناشعب كلام والله خلاص

ومعندناش غيره

وربنا يسهل للحضرى اهو ربنا رحمه كتير

abo salah said...

بعد السلام عليكم

واحشني والله ياأبو سمرة

ويارب تكون بخير

وتكون عديت الامتحانات علي خير

وان شاء الله تعدي صدمة اخر امتحان دي علي خير يارب

ويالا مستنين رجوعك

تحياتي